კანონი 87 ქმრის მიმტოვებელი ცოლი და ხელახალი ქორწინება

ცოლი, რომელმაც ქმარი მიატოვა, მრუშია, თუ სხვასთან წავიდა, წმიდა და საღვთო ბასილის სიტყვისამებრ, რომელმაც ეს უმშვენიერესად ამოკრიბა იერემიას წინასწარმეტყველებიდან: რომ „თუ დედაკაცი სხვა კაცისა გახდება, აღარ დაუბრუნდება თავის ქმარს, არამედ შეგინებით შეიგინება“ [იერ. 3:1]; და კვლავ: „მრუშის მქონებელი უგუნური და უღმრთოა“. ამიტომ, თუ აღმოჩნდება, რომ ცოლი ქმარს უმიზეზოდ განეშორა, ქმარი შენდობის ღირსია, ცოლი კი ეპიტიმიებისა. ხოლო შენდობა მას იმისათვის მიეცემა, რომ ეკლესიასთან ზიარებაში იყოს. ხოლო ვინც კანონიერად შეუღლებულ ცოლს მიატოვებს და სხვას შეირთავს, უფლის განჩინებისამებრ მრუშობის მსჯავრს ექვემდებარება. ჩვენმა მამებმა კი კანონად დაადგინეს, რომ ასეთები ერთი წელი მტირალთა შორის იყვნენ, ორი წელი მსმენელთა შორის, სამი წელი დამხობილთა შორის, მეშვიდე წელს კი მორწმუნეებთან ერთად იდგნენ, და ამგვარად შესაწირავის ღირსნი იქმნენ, თუ, რა თქმა უნდა, ცრემლით მოინანიებენ.