შემდგომი მწუხრისა (აპოდიპნონი)

დღის უკანასკნელი ღვთისმსახურება, რომელიც ვახშმის შემდეგ აღესრულება. მცირე შემდგომი მწუხრისა მისი ყოველდღიური სახეა. დიდი შემდგომი მწუხრისა დიდი მარხვის განმავლობაში აღესრულება (ორშაბათიდან ხუთშაბათამდე, საღამოობით), და პირველ შვიდეულში მასში წმიდა ანდრია კრეტელის დიდი კანონი იკითხება. მასში შედის სარწმუნოების სიმბოლო, 50-ე ფსალმუნი და ლოცვა „ღირს-არს ჭეშმარიტად, რათა გადიდებდეთ, შენ ღვთისმშობელო“.